Promosi makanan Nogori Sembilan kek Marriot Putrajaya

Selamat tongahari semuoooooo…..dah nak makan tongahari dah… masak apo tu??

Ewah.dan dan den cakap nogori… maklum la bolah ayah den nogori… al fatihah untuk arwah ayah den yang tolah poie mengadap ilahi pado 19.01.2019 yang lalu..

Rindu den nak dongar celoteh ayah den cakap nogori wei. mujur bolah laki den walaupun Melako.. ado la sikit bunyi kan…masalahnya.. laki den x cakap Melako…..hahaha.. lantakan ajo.. janjji den dapek gak cakap Nogori walaupun dongan orang Melako…. ado den kisah melako ngn nogori lebey kurang yo.

Tanpa melengahkan maso, den nak kobarkan ni… kok korang ghindu nak raso masakan nogori.. apo laie.. moh la ke Marriot Putrajaya haa.. dokek pun dokek yo…

Kat Hotel Marriot Putrajaya ado promosi masakan nogori sembilan oit… kalu korang nak tahu, Dato’ Chef Ismail punyo resepi semuanya …. semua dari hasil masakan dio..

Eh. kang den cakap nogori ni ekau paham ko. kang baco sepatah haram nak paham…

Meh den tunjukkan gambar menu masakan nya.. meleleh air liur wei….

Amacam… sodap tak menu yang ado..setiap hari memang lain menu nya.. kok ekau rajin nak makan hari-hari… x salah poie pun..

Den paling suko siput sedut ngan masak lomak tempoyak potai… memang teraso bonar lomak oit…sodap nak mampuihhhhhhh…..orang nogori cakap la kan..hhahaha

Bak kato Dato’ Chef Ismail “sodap eh mak oiiii” …. jadi pado sesiapo la nak meraso masakan nogori sembilan yang asli dan padu.. memang topat bonar la kalau torjah kek sini….

Orang nogori sembilan ni. kalau pasal lomak memang tak lari… paling mudah la masak lomak cili api…

Bahan-bahan asas hanya perlukan KUNYIT, CILI API dan SANTAN berlomk..lomak.. lagi pokat santan lagi sodap oitttt……..

Tengok menu den …. merah kan.. siput sedut tu sampai sekarang den teraso lomak dio.. memang sodap… den masak pun tak sesodap macam Datp’ Chef Ismail masak …..

Jadi pado sesiapo nak makan… jangan lupo poie yo kek Hotel Marriot Putrajaya haaa……terlotak kek Zest Lifestyle Restourant…kek LG yo..

Hargo seorang seporti berikut :

Buffet Lunch : RM110.00 untuk dewasa / RM 55.00 untuk kanak-kanak
Buffet Dinner : RM128.00 untuk dewasa / RM64.00 untuk kanak-kanak

Di samping makan masakan nogori… ado gak pameran jualan untuk boli sebagai kenangan….

Ado demostrasi membuek batik, ada jualan mangkuk tingkat..ado jualan buku.. tak lupo gak ado mainan tradisional gak kek sano….

Haaa…sambil makan dapat gak tengok apo yang patut…. copek poie… promosi makan bermula dari 13 Mac 2019 hinggo 31 Mac 2019 yo… lopeh tu.. ekau ko poie tompek lain lak.. tak dapek nak meraso….

Jangan lupo bawa kawan-kawan ngan keluarga…. sodap oit makan bersamo… meleleh..leleh la air hingus sobab sodapppppppppp bonarrrr……………….

Related Posts Plugin for WordPress, Blogger...

Leave a Reply